Komunikado di prensa
Despues di su éksito na Kòrsou den 2023 i 2024 Teatro KadaKen ta trese Ulanda den 2025 e obra teatral ku ta toka kurason i musikal Rumannan Purunchi. E obra fasinante, inspirá riba akontesimentu real di hubentut di outor Loekie Morales, ta kontá di un manera emoshonal i humorístiko relashon di famia, rekuerdonan i e búskeda di un hogar.
Tokante e obra
E kas di Wela ta e dekòr pa e historia familiar ku ta tuma lugá durante dos temporada: den añanan 60/70 i awor. Ora ku a bira konosí ku ta eksistí un posibilidat real ku nan ta bende kas di nan mayornan, emoshon ta subi entre e rumannan adulto ku miéntras tantu ta bibando na Ulanda. Ñetu Natasha ta purba uni famia i mantené e kas – un lucha kaminda amor, nostalgia i kambionan sosial ta bin huntu.
Muzik, kultura i humor
Rumannan Purunchi ta kargá ku muzik, koló i energia. Weganan ekspresivo, muzik kontagioso i ku imágen bibu ta hiba bo di e Kòrsou di ántes na e Ulanda di awor. Ku humor i emoshon ta konta temanan aktual manera skarsedat di kas, migrashon i gentrifikashon di un manera konosí i aksesibel. E obra teatral akí na Papiamentu ademas ta atraé un públiko amplio danki na e manera visual di konta e historia i pa e deskripshon kla di esenanan.
Un fiesta di rekonosementu i deskubrimentu
Pa famianan ku rais Karibense e obra aki ta duna un sintimentu di yega kas: un biahe kaluroso i emoshonal ku yen kuenta i muzik konosí. Pa otro bishitante e obra Rumannan Purunchi ta habri un mundu kolorido yen di herensia karibense i kultura i ku invitashon pa mira nos historia kompartí ku otro wowo. E ta un obra ku ta mishi ku bo, e ta laga bo hari i e ta konektá – sea bo konosé e isla òf ta awor bo ta deskubrié pa promé biaha.
Krédito
Konsepto, guion i teksto: Milushka Birge
Teksto i muzik: Milushka Birge, Eric Calmes i musikonan
Aktuashon: Melanta Ayon, Gian van Eiker, Rachelle Le Blanc, Railyson Maduro, Maxine Fabian
Músikonan invitá: Giuseppe Gallitelli i Maxime Cathalina
Tékniko: Etienne Pieters
Senografía: Alejita (Alejandra Silvia)
Direktor: Maryluska (Lou) Nisbet
Ku danki na: Fonds Podiumkunsten, Cultuurfonds Caribisch Gebied, Vriendenloterij Fonds, Cultuurfonds, Stichting Ocan i LabdeMed.
Ku danki spesial na: samenwerkende partners na Ulanda:Gedeeld Verleden Gezamenlijke Toekomst – Jacinto Zimmerman, Stichting Caribbean Angels – Sharline van den Bijte den Windt, Nos Baranka – Egmacia Patrick, Stichting ProFor – Lucia Martis, Cultuur manager – Vany Hooi.
Rumannan Purunchi ta den teater na Ulanda di 3 di Òktober te ku 12 di Òktober.
Dianan di presentashon
Djasabra 3 di òktober2025, 20:00 – Pakhuis De Zwijger, Amsterdam
Mester registrá na: dezwijger.nl
Djadumingu 5 di òktober2025, 16:00 – Podium Islemunda
Karchinan optenibel islemunda.nl
Djárason 8 di òktober2025, 20:00 – Theater Posa, Lelystad
Karchinan optenibel na theaterposa.nl
Djabièrnè 10 di òktober2025, 20:00 – Theater de Vaillant, Den Haag
Karchinan optenibel na: devaillant.nl
Djasabra 11 di òktober2025, 20:00 – Annatheater, Helmond
Karchinan optenibel na: annatheater.nl
Djadumingu 12 di òktober2025, 16:00 Verkadefabriek, ‘s-Hertogenbosch
Karchinan optenibel: verkadefabriek.nl
Mas tokante di Teatro KadaKen
Teatro KadaKen, lantá na 2008 pa aktris Norma Cova i dramaturgo/aktor Albert Schoobaar, ta traha obra teatral di konotashon sosial di kalidat artístiko haltu pa yòn i bieu. Bou di guia profeshonal di Maryluska Nisbet i ku e direktiva komo esun finalmente responsabel, e grupo teatral akí ta desaroyá obranan ku ta tira lus riba temanan aktual i urgente den sosiedat di Kòrsou.For di e konvikshon ku teater ta un instrumento poderoso pa papia riba tópikonan difísil, Teater KadaKen aktivamente ta bai den kòmbersashon ku e públiko ku su obranan. Obranan resien ta e obra teatral musikal Piar, e último bataya (Piar: het laatste gevecht) ku lo bai den estreno den òktoberi ripitishon di Rumannan Purunchi, ku den e por rekonosé nan mes den dje. Banda di produkshon pa un públiko amplio e grupo teatral akí ta ofresé programanan edukativo pa skolnan i for di 2009 un seri di obra ku ta duna kos di papia na Kòrsou ku presentashon na Aruba i insidentalmente na Ulanda. Asina Teater KadaKen a ankra su mes fuertemente den e tereno kultural i ta keda duna kontribushon na konsientisashon i kambio.
Medionan sosial
Instagram: https://www.instagram.com/teatrokadaken/
Facebook: https://www.facebook.com/teatro.kadaken/
