Den Mondi di Kabaye

Den Mondi di Kabayé ta konta e istoria di bestianan ku ta biba den un paraiso kaminda trankilidat ta reina.  E abitantenan ta terminá nan dia ku ritual, kanto di nan propio himno den un Kabayé pintá tur na koló. Pero den un mardugá ta pasa algu teribel ku ta kambia nan bida pa semper. Ku hopi zonido i bochincha un ser humano ta dròp un yu’i kachó  i baha bai na katuna.

E akto akí a lanta nan tur for di soño, trese un spantu i miedu ku nan no konosé. Mainta nan ta sera konosí ku e yu’i kachó, ofresé amistat i ei apresio pa otro a nase. Den bon tempu i mal tempu nan a para banda di dje, sostené i dun’é konfiansa. Di kurason nan a hasi tur tur kos pa e bira abitante, pa Kabayé bira su kas. Nan ta logra?

PROGRAMA PA PUBLIKO GENERAL

Informashon práktiko pa públiko general

🎪 Lugá: Teatro Aula Habaai 
Entrada pa mucha te ku 12 aña: 15 XCG
Entrada pa hoben i adulto: 20 XCG
Pakete pa famia/grupo di 5 persona: 75 XCG

Den Mondi di Kabayé ta un obra teatral edukativo. Skolnan na Kòrsou por inskribí for di awor pa bishitá Den Mondi di Kabayé ku nan alumnonan den e lunanan sèptèmber i òktober 2026.

Pa e produkshon a desaroyá material edukativo ku por yuda skolnan sigui eksplorá e temanan di e obra den klas.

Pa preparashon: tur skol lo risibí algun kantika grabá den forma di videoclip pa prepará e alumnonan pa wak Den Mondi di Kabayé.