Rumannan Purunchi
un historia di suerte, kambio i pena
Deskripshon
E ta un obra teatral musikal pa hóben entre 10 i 14 aña ku ta trata temanan manera remigrashon, ròl di nostalgia, herensia kultural intangibel, sosten familiar i kambio di spiritu komunitario ku ya pa algun dékada kaba ta tumando lugá den nos komunidatnan. E obra ta basá riba historianan real di infansia di eskritor Loeki Morales. Den su kolekshon Rumannan Purunchi – saga di un nèshi tropikal – e ta kompartí ku nos herensia familiar di rumannan Moral.
Milushka Birge, eskritor i direktor di esena ta nutri su mente ku e herensia familiar akí pa krea un storia nobo den kual e ta papia ku e hóben tokante spiritu komunitario, forsa, impotensia i mas. E ta konta nos e storia for di perspektiva di e figura fiktisio Natasha bibá na Hulanda, ku ta bin keiru Kòrsou. E ta yu di un ruman muhé Moral. Aki na Kòrsou Natasja ta hañ’é konfrontá ku un desaroyo ekonómiko ku un posibel impakto bastante grandi riba herensia di famia Moral. E ta urgi nan tur pa bin abou, pa salbaguardiá loke ta di nan. ‘Hasi lihé, nos no por pèrdè tempu’.
Rumannan Purunchi lo skucha di Natasja? Nan lo drecha nan maleta i bin abou?
Birge, ku un trayektoria largu den teater na Kòrsou ta skibi i dirigí e obra akí. Tambe e ta konosí bou di skolnan di Fundeshi pa su obranan Mancha di Zeta (teater di pòpchi) i Aminata ku ta trata e tema di emansipashon. Den e obra Rumannan Purunchi, Milushka Birge ta demostrá su mahestria lagando e aktornan hunga diferente personahe i dunando nan espasio di mustra nan diferente talentonan. No solamente aktor ku mas eksperensia pero tambe esnan mas hóben ta demostrá esaki. I huntu ku musikante, kompositor i artista Eric Calmes ta krea piesanan nobo pa deleitá oido i kurason di tantu mucha komo hóben i adulto.
Rumannan Purunchi ta posibel danki na sosten finansiero di Het Fonds Podiumkunsten, Vriendenloterij Fonds, Prins Bernhard Cultuurfonds Caribisch Gebied.
Rekonosementu
Konsepto, Direkshon i Teksto: Milushka Birge
Letra i Muzik: Milushka Birge, Eric Calmesi aktornan
Aktuashon:
Greysha Niebe
Gian van Eiker
Rachelle Le Blanc
Kionn Yung
Maxine Fabian
Produktor Ehekutivo: Lou Nisbet
Direktor di esena i asistente: Milushka Birge i Juan-Carlos Goilo
Dramaturgia: Marlon Reina i Albert Schoobaar
Músiko: Eric Calmes
Guia Vokal: Steve Mariat
Esenografia: Burney Cruden
Diseño i realisashon di vestuario: Franklin Salgado
Téknik: Etienne Pieters i Rigo Sampson
Diseño Gráfiko: Karena van der Veen
Fotografía: Margo Groenewoud
Diseño kontenido promoshonal: Alejandra Cijntje
Benta i organisashon di presentashon pa skolnan i públiko general: Nacheska Johannes i Lou Nisbet
Material Edukativo: Jeroen Heuvel i Milushka Birge
Eskritor di e buki Rumannan Purunchi: Loekie Morales
Informashon práktiko tokante presentashon pa skol
Presentashon pa skolnan di fundeshi i sekundario
Di djaluna te ku djabièrnè for di 4 di sèptèmber 2023 te ku 30 di novèmber 2023
Pa mucha i hóben di 10 te ku 14 aña di edat. Pa alumno di grupo 6, 7 & 8 di skol di fundeshi i di aña 1 & 2 di skol sekundario.
Nos ta manda tambe un agènda ku tur e fechanan riba kua nos ta presentá e obra. Skolnan por skohe nan fecha(nan) i laga nos sa!
Tin material edukativo pa prepará e alumnonan. E buki Rumannan Purunchi tambe ta forma parti di e material edukativo. Tur skol ta risibí material i skolnan ku buk ta haña sosten di un dosente pa yuda prepará e alumnonan i alabes pa kombersá ku nan despues tokante nan eksperensia.
Durashon di e obra
1 ora i mei (presentashon di e obra i interakshon ku alumno-/studiantenan)
Orarionan di presentashon
8.15 am – 9.45 am i 10.30 am – 12 pm
Idioma
Papiamentu
Lugá di presentashon
Teatro Aula di Habaai
Preis pa funshon pa 1 skol
Nafl. 780.–
Preis pa funshon pa 2 skol
Naf. 960,– (2 skol ta kumpra un funshon huntu)
Preis pa funshon pa 3 skol
Naf. 1140,– (3 skol ta kumpra un funshon huntu)
Kapasidat di asiento pa kada funshon
120. Tin e fleksibilidat pa èkstra asiento te ku maksimal 150. Pa èkstra kapasidat ta bin gastu adishonal di Nafl. 6.50 pa stul.
Kontakto
569 8417 / 672 4580 / E: teatropafundeshi@teatrokadaken.org
Formulario pa inskribí
Wilt u graag met uw leerlingen naar deze voorstelling komen, vul dan dit formulier in. Wij zullen contact met u op nemen om uw inschrijving te formaliseren.
Indien u de voorstelling met meerdere scholen koopt, dienen de andere scholen dit formulier ook in te vullen.
Voor meer informatie kunt u contact opnemen met coördinator Nacheska Johannes op 569 8417 of via e-mail teatropafundeshi@teatrokadaken.org.
Foto’s en video’s
Wees vrij om de foto’s te gebruiken maar vermeldt aub de volgende tekst: Foto credit Teatro KadaKen, Margo Groenewoud
In de pers
Hopi a pidi, Teatro KadaKen ta komplasé!
Aña pasá 16 di sèptèmber 2023, nos a estrená e obra teatral musikal na Papiamentu “Rumannan Purunchi’ den Teatro AULA di Habaai. Kisas bo tabata presente. Nos a sigui presentá e obra durante lunanan di òktober, novèmber i desèmber. Hopi mucha i adulto a wak Rumannan...
Teatro KadaKen zoekt bondgenoten om nog meer mensen van ons nieuwe stuk te laten genieten
Persbericht Willemstad, 16 oktober 2023 Teatro KadaKen zoekt de steun van de gemeenschap om er gezamenlijk voor te zorgen dat meer kinderen en ouderen de gelegenheid krijgen om het muziektheaterstuk ‘Rumannan Purunchi’ te zien. Het stuk ging op 16 september in...
