Estreno di obra teatral FREE TO BE FREE (LIBER PA TA LIBER) den Punda tabata un eksito rotundo!

Djaweps 21 di ougùstùs públiko por a disfrutá di estreno di e obra teatral FREE TO BE FREE (LIBER PA TA LIBER). E produkshon Free to be Free (Liber pa ta Liber) ta un obra na lokashon. E obra a hiba e públiko den storianan i na sitionan ku ta konektá ku Punda su historia kolonial. Pa medio di baile, teater, poésia i músika e públiko por a rebibá storianan deskonosí durante un anochi ameno. Huntu ku e elenko nan a sigui un ruta teatral ku ta kuminsá den Fortkerk, despues  move via Korte di Hustisia pa Gouvernmentsplein, e plenchi dilanti Forti. Na e lokashon aki interakshon ku naturalesa i laman ganchu a para sentral.

Free to be Free lo tin mas funshon. Por presensiá e obra riba 22, 23 i 24 di ougùstùs, for di 7or di anochi. E obra ta dura 75 minüt i ta kuminsá den Fortkerk. Ta un obra na diferente idioma ku fragmento na papiamentu, ingles, hulandes i sranantongo. Pa kana e ruta teatral kòrtiku akí ta rekomendá tur hende pa bisti sapatu kómodo.

Obra Free to be Free ta un konsepto di Katy Streek & Jennifer Tosch, ko-dirigí pa Juan-Carlos Goilo i produsí dor di Teatro KadaKen, Sites of Memory i Mongui Maduro Library. E elenko ta konsistí di artistanan lokal i international, Sheldon Angelister, Melanta Ayon, Jörgen Gario, Tania Kross, Jomecia Oosterwolde, Sorandy Sint Jacobs, Michael Wanga i Jitske Wildschut.

Por haña karchi na Mensings Caminada, Sentro di pago Tu y Yo i online na Caribbean Ticketshop.com.