Hopi a pidi, Teatro KadaKen ta komplasé!

Aña pasá 16 di sèptèmber 2023, nos a estrená e obra teatral musikal na Papiamentu “Rumannan Purunchi’ den Teatro AULA di Habaai. Kisas bo tabata presente.

Nos a sigui presentá e obra durante lunanan di òktober, novèmber i desèmber. Hopi mucha i adulto a wak Rumannan Purunchi i a gosa imensamente. Rumannan Purunchi ta un obra ku ta trese nostalgia, laga nos kòrda kon simpel bida tabata, e ta un fiesta di rekonosementu. Pa tur esnan ku no por a yega Teatro AULA Habaai, tin 3 posibilidat mas pa presensiá e obra aki ku ta laga bu rekordá un pasado ku hopi di nos por papia di dje òf a tende di dje .

Teatro KadaKen a hasi selebrashon di Dia Internashonal di Teater un tradishon di tur aña. Riba 27 di mart nso ta selebrá e dia aki ku Rumannan Purunchi i alabes nos ta klousurá e proyekto.